Ommaviy oferta

So’ngi yangilanish 12.12.2023

“MOHIRDEV” MCHJ SAYTI orqali elektron tijorat orqali muddatli to‘lov shartlariga asoslangan shartnomalarni tuzishning UMUMIY SHARTLARI

1. Umumiy shartlar

QYOIA -

bu Ommaviy oferta talablariga va QYOIA ma’lum bir shaxs tomonidan tuzilganligini tasdiqlovchi O‘zbekiston Respublikasi qonunchiligiga muvofiq shakllantirilgan, elektron hujjatni imzolagan shaxsni yagona aniqlash imkonini beruvchi ma’lumotlar bilan SMS-kod ko‘rinishidagi qo‘lda yozilgan imzoning analogidir.

Aksept -

Mijozning muddatli to‘lov asosidagi platformada amalga oshiriluvchi xizmatlar oldi-sotdisi shartnomasining individual shartlarini (keyingi o‘rinlarda "Shartnoma" deb yuritiladi), QYOIA orqali lekin u bilan chegaralanmagan holda, imzolash orqali ifodalangan Ofertada nazarda tutilgan shartlar bo‘yicha takliflarni qabul qilish va to‘lashga roziligi.

To‘lov jadvali -

Mijozning Shartnoma bo‘yicha to‘lovlari miqdori va sanalari to‘g‘risidagi va Shartnoma amal qilish muddati davomida (zimmasiga olgan majburiyatlarning bajarib bo‘lguniga qadar) qarzni to‘lash uchun qaratilgan summalarni ko‘rsatadigan ma’lumot. Ushbu Umumiy shartlarning maqsadlari uchun har qanday Elektron aloqa kanali orqali Mijozga yuborilgan Shartnoma bo‘yicha Mijozning kelgusi to‘lovi sanasi va miqdori to‘g‘risidagi eng so‘nggi xabarnomalar To‘lov jadvalining bir qismi sifatida ko‘rib chiqiladi

Oylik to‘lov -

ushbu Umumiy shartlarda keltirilgan To‘lov jadvaliga muvofiq keyingi to‘lov sanasigacha Mijoz tomonidan to‘lanishi kerak bo‘lgan belgilangan miqdor.

Qarz -

Mijoz tomonidan Sotuvchiga to‘lanishi kerak bo‘lgan barcha pul summalari.

Ro‘yxatdan o‘tgan telefon raqami -

Mijoz tomonidan identifikatsiyalash jarayonida yoki Masofaviy xizmat ko‘rsatish kanallari orqali ma’lumotlarni keyingi o‘zgartirish jarayonida yoki boshqa belgilangan usulda ko‘rsatilgan va tasdiqlangan mobil telefon raqami.

Masofaviy xizmat ko‘rsatish kanali -

Mijoz bilan har qanday aloqa shakli, shu jumladan Shaxsiy kabinet, Mobil ilova, Xizmat, Tizim orqali va belgilangan hollarda Platformaning mijozlarni qo‘llab-quvvatlash xizmati orqali.

Karta -

Mijoz tomonidan identifikatsiya jarayonida ko‘rsatilgan, Virtual karta bo‘lmagan, ma’lumotlaridan identifikatsiyalash jarayonida foydalanish mumkin bo‘lgan va kelajakda unga va barcha boshqa Mijoz Kartalariga Mijoz tomonidan qabul qilingan Ofertaga va Shartnomaga muvofiq “Takroriy to‘lov” xizmati yoqilishi mumkin bo‘lgan Mijozning barcha bank kartalari. Ma’lumotlarni kiritishning to‘g‘riligi, shuningdek, ma’lumotlari Mijoz tomonidan kiritilgan plastik kartani ro‘yxatdan o‘tkazish va undan foydalanishning qonuniyligi bilan bog‘liq barcha xavflarni Mijoz o‘z zimmasiga oladi.

Mijoz (Xaridor) -

identifikatsiyadan o‘tish maqsadida Platformaga murojaat qilgan va Platformaning imkoniyatlari, funksiyalari va tashkiliy mexanizmlaridan foydalangan holda kerakli tarzda xizmatlarni muddatli to‘lovga sotib olish istagini bildirgan jismoniy shaxs.

Shaxsiy kabinet -

veb-sayt va (yoki) mobil ilovaning umumiy foydalanishdan yopilgan bo‘limi bo‘lib, uning yordamida Mijoz masofaviy identifikatsiyadan o‘tadi va to‘lov qobiliyatini baholatadi, Shartnomalarni bajarish bo‘yicha ofertalarni tuzadi va qabul qiladi, tuzilgan Shartnomalar to‘g‘risidagi ma’lumotlarni oladi, shuningdek Platformada boshqa harakatlarni amalga oshiradi. Shaxsiy kabinetdan foydalanganda, Shaxsiy kabinet yordamida amalga oshirilgan va yuborilgan barcha harakatlar va hujjatlar, shu jumladan Ofertalarni yuborish Mijoz tomonidan bajarilgan va jo‘natilgan hisoblanadi. Shaxsiy kabinet xizmatlari Platforma tomonidan taqdim etiladi.

Savdo ofertasi -

Sotuvchi tomonidan Platformaning Elektron aloqa kanallari orqali Mijozga yuboriladigan, Shartnomaning Individual shartlarini o‘z ichiga olgan, Sotuvchining Mijozga Individual shartlar va ushbu Umumiy shartlar bilan Shartnoma tuzish taklifini bildiruvchi hujjat.

Mijozning to‘lov qobiliyatini baholash -

Platformaning Platforma va Sotuvchi o‘rtasida oldindan belgilangan shartlarga muvofiq Mijozga Limit berish to‘g‘risidagi qaroriga ta’sir qiluvchi omillar to‘plami

Sotuvchi -

Toshkent shahri, Mirzo Ulug‘bek tumani, Do‘rmon yo‘li ko‘chasi (I.Mo‘minov ko‘chasi, 4-uy) joylashgan “MOHIRDEV” MCHJ.

Platforma -

Xizmatlarni sotish bo‘yicha axborot tizimi orqali Platforma, Sotuvchi va Mijozning o‘zaro munosabatini ta’minlaydigan tashkiliy, axborot va texnik yechimlarning dasturiy-apparat majmuasi.

Dasturiy ta'minot

Mijozlarga Platforma Xizmati, Veb-sayt, Shaxsiy kabinet yoki Mobil ilovadan onlayn foydalanish, Ofertalar tuzish, elektron shaklda Shartnomalar va qo‘shimcha kelishuvlar tuzish, shuningdek, boshqa hujjatlar va xabarlar almashish imkonini beruvchi dasturiy vositalar to‘plami.

Push-xabarnoma –

Platforma tomonidan Mijozning mobil telefoni ekranida qalqib chiquvchi xabar ko‘rinishida mijozga yuboriladigan xabarnoma.

Hisob sanasi -

keyingi Oylik to‘lovni to‘lash kerak bo‘lgan To‘lov jadvalida ko‘rsatilgan sana. Hisob sanasi kunining tugash holatiga ko‘ra, ushbu Umumiy shartlarga muvofiq to‘lash fakti, kechikishning yuzaga kelishi aniqlanadi, qarzning qoldig‘i o‘zgartiriladi va hokazo.

Hisob-kitob davri -

Shartnoma tuzilgan kundan boshlab birinchi Hisob sanasigacha bo‘lgan davr, kelgusi Hisob sanasidan keyingi kundan boshlab keyingi Hisob sanasigacha bo‘lgan davr

Sayt -

https://mohirdev.uz manzilida joylashgan Platformaning internet-resursi.

Sotuvchining sayti -

zarur dasturiy ta’minot o‘rnatilgan yoki ko‘rsatilgan Dasturiy ta’minotga kirishingiz mumkin bo‘lgan Sotuvchining Savdo nuqtasi bo‘lgan internet-resursi, ya’ni https://mohirdev.uz.

SHM ga ishlov berishga rozilik -

Mijozning shaxsiy ma’lumotlarni qayta ishlashga va Mijoz tomonidan dastlabki identifikatsiya qilish va tekshirish jarayonlaridan o‘tish paytida bildirilgan boshqa majburiyatlarni yoki Mijozning Shaxsiy kabinetida, shuningdek Uskunada yoki Sotuvchining Saytida ko‘rib chiqish uchun mavjud bo‘lgan har qanday boshqa Shartnomani qabul qilishga roziligi.

QYOIA to‘g‘risidagi shartnoma/kelishuv –

dastlabki identifikatsiyalash va tekshirish jarayonida tuzilgan, Mijozning Shaxsiy kabinetida, shuningdek Uskunada yoki Sotuvchining Saytida ko‘rib chiqish uchun mavjud bo‘lgan Platforma va Mijoz o‘rtasidagi QYOIAdan foydalanish to‘g‘risidagi shartnoma

Mahsulotlar/Xizmatlar -

Platformada belgilangan va Sotuvchi tomonidan taqdim etilgan Mijoz tomonidan Sotuvchidan sotib olingan ishlar yoki xizmatlar.

Savdo nuqtasi -

Sotuvchi Xizmatni sotishi yoki o‘z xizmatlarini ko‘rsatishi mumkin bo‘lgan, Tizim yoki Uskuna joylashgan Sotuvchining ofisi, boshqa alohida bo‘linmasi yoki Sotuvchi Sayti.

Elektron aloqa kanali -

Mijoz bilan aloqaning har qanday elektron shakli, shu jumladan har qanday Masofaviy xizmat ko‘rsatish kanali orqali, Mijozning Ro‘yxatdan o‘tgan telefon raqamiga SMS-xabar yoki Push-xabarnoma yoki Mijozning Ro‘yxatdan o‘tgan elektron pochta qutisiga elektron pochta orqali o‘rnatilgan aloqa.

2. Umumiy qoidalar.

2.1. Ushbu Umumiy shartlar jismoniy shaxslarni (Mijozlarni) ro‘yxatdan o‘tkazish, identifikatsiya qilish va tasdiqlash tartibini, mohirdev.uz platformasida elektron Shartnomalar tuzish tartibini aniqlaydi va belgilaydi, shuningdek, Xaridor va Platforma o‘rtasidagi shu orqali yuzaga keladigan munosabatlarni tartibga soladi.

2.2. Elektron tijorat sohasidagi munosabatlar va Xizmatlarni xaridorga muddatli to‘lov shartlari asosida sotish “Elektron tijorat to‘g‘risida” gi O‘zbekiston Respublikasi Qonunlari va “Elektron tijoratni amalga oshirish qoidalari” (O‘zbekiston Respublikasi Vazirlar Mahkamasining 2016-yil 2-iyundagi 185-son qaroriga 1-ilova) va O‘zbekiston Respublikasining boshqa normativ-huquqiy hujjatlari bilan tartibga solinadi.

2.3. Iste’molchilarning huquqlarini himoya qilish sohasidagi munosabatlar O‘zbekiston Respublikasining Fuqarolik kodeksi, O‘zbekiston Respublikasining “Iste’molchilar huquqlarini himoya qilish to‘g‘risida”gi qonuni va O‘zbekiston Respublikasining boshqa normativ-huquqiy hujjatlari bilan tartibga solinadi.

2.4. Shaxsiy ma’lumotlar bilan bog‘liq munosabatlar O‘zbekiston Respublikasining “Shaxsga doir ma’lumotlar to‘g‘risida”gi Qonuni va O‘zbekiston Respublikasining boshqa normativ-huquqiy hujjatlari bilan tartibga solinadi.

3. Mijozni mohirdev.uz platformasida ro‘yxatdan o‘tkazish tartibi

3.1. mohirdev.uz platformasida harakatlarni amalga oshirish va Xizmat(lar)ni muddatli to‘lovga sotib olish uchun Mijoz Internetga kirish orqali mohirdev.uz platformasida dastlabki ro‘yxatdan o‘tishi kerak.

3.2. Mijoz mohirdev.uz veb-saytida yoki mobil ilovada ro‘yxatdan o‘tishi kerak, u yerda undan ro‘yxatdan o‘tish jarayoni (bosqichlari)dan o‘tishi so‘raladi.

3.3. Boshlanishida Mijoz mohirdev.uz veb-sayti tizimiga Mijozning plastik bank kartasi (UzKARD yoki HUMO) ulangan mobil telefon raqamini (ya’ni UzKARD SMS-xabarnoma xizmati bog‘langan telefon raqami) kiritishi va tegishli maydonga telefon raqamini tasdiqlash uchun SMS orqali olingan noyob kodni kiritishi kerak bo‘ladi. Mijoz tasdiqlovni olgan taqdirda, ushbu Umumiy shartlar, Mijozning Shaxsiy va boshqa ma’lumotlariga ishlov berish va saqlash bo‘yicha Platforma siyosati bilan tanishganligi va ularga roziligi tasdiqlagan holda Mijozga ro‘yxatga olishning keyingi bosqichiga o‘tish taklif etiladi. Ushbu bosqichda Mijoz mohirdev.uz internet platformasidan foydalanishning va Mijozlar va Sotuvchi o‘rtasida elektron tijorat orqali muddatli to‘lov shartlari asosidagi shartnomalarni tuzishning Umumiy shartlari (Ommaviy oferta) bilan tanishib chiqishi va ularga rozi bo‘lgan taqdirda shaxsiy ma’lumotlariga ishlov berish va saqlashga rozilik berishi kerak.

3.4. Platformada ro‘yxatdan o‘tishni davom ettirish uchun Mijoz baholash (skoring) tizimi va Mijozning to‘lov qobiliyatini baholash uchun plastik bank kartasining raqami va amal qilish muddatini kiritishi kerak bo‘ladi. Natijada, Mijoz tomonidan ilgari ko‘rsatilgan telefon raqamiga noyob kodli SMS-xabar yuboriladi, uni kiritish orqali Mijoz mohirdev.uz Platformasida tuzilgan barcha Shartnomalar bo‘yicha pul mablag‘larini to‘g‘ridan to‘g‘ri ro‘yxatdan o‘tish vaqtida mijozda mavjud bo‘lgan barcha plastik bank kartalari va Mijoz tomonidan ushbu Ofertani qabul qilib, Xizmat(lar)ni qabul qilib olgandan so‘ng olinadigan barcha boshqa plastik bank kartalari hisobidan chiqarishga (takroriy to‘lovlarni faollashtirish) roziligini bildiradi.

3.5. Ro‘yxatdan o‘tishning keyingi bosqichida mohirdev.uz Axborot tizimiga ma’lumotlarni kiritish bilan hujjatni avtomatlashtirilgan tarzda kiritish/o‘qish uchun Mijozdan O‘zbekiston Respublikasi fuqarosi pasporti yoki ID-kartasi bo‘lishi talab qilinadi: a) familiyasi, ismi; b) pasport seriyasi, raqami va uning amal qilish muddati; c) JSHSHIR d) Pasportning (ID-karta) to‘liq ochilgan fotosurati; e) Mijozning “imzo” zonasi va “fotosurat” zonasining fotosurati.

3.6. Ro‘yxatga olishning keyingi bosqichida maxsus dasturiy ta’minotdan foydalangan holda masofadan Mijozning hujjatdagi fotosurat bilan "o‘xshashligi" baholanadi va Mijozning "jonliligi" baholanadi.

3.7. Mijozning “SMS-xabarnoma” ulangan telefon raqamidan yechib olinadigan bitta kiruvchi SMS-xabarning narxi uyali aloqa operatori tomonidan belgilangan tarifga muvofiq yechib olinadi.

3.8. Ushbu Umumiy qoidalarning 3.3, 3.4, 3.5 va 3.6-bandlarida ko‘rsatilgan ma’lumotlar to‘liq kiritilgandan so‘ng, mohirdev.uz platformasi to‘lov qobiliyatini baholash tartib-taomilini amalga oshiradi va Mijozga kiritilgan ma’lumotlar muvaffaqiyatli tasdiqlashdan o‘tganligi to‘g‘risida yoki tasdiqlash rad etilganligi to‘g‘risida elektron xabar yuboradi.

3.9. Tekshirish rad etilganligi to‘g‘risida elektron xabar olingan taqdirda mohirdev.uz platformasi tomonidan qayd etilgan kamchiliklarni bartaraf etishni hisobga olgan holda, Mijoz ushbu Umumiy shartlarning 3.3, 3.4, 3.5 va 3.6-bandlarida ko‘rsatilgan ma’lumotlarni kiritishni takrorlashi mumkin.

3.10. Tekshiruvdan o‘tganlik to‘g‘risida elektron xabar kelgan taqdirda, Mijoz Mijozning mohirdev.uz Platformasidagi Shaxsiy kabinetiga kirish huquqiga ega bo‘ladi. Shu paytdan boshlab Mijozni mohirdev.uz platformasida ro‘yxatdan o‘tkazish, identifikatsiya qilish va tekshirish jarayoni tugallangan hisoblanadi. Xaridor sotuvchidan xizmatni quyida ushbu Umumiy shartlarda ko‘rsatilgan shartlar asosida muddatli to‘lovga sotib olishi mumkin.

4. Bitim predmetining umumiy shartlari va xizmat narxi

4.1. mohirdev.uz platformasida tuzilgan elektron Shartnomaga muvofiq, Sotuvchi xizmatni Xaridorga sotish majburiyatini oladi, Xaridor esa tomonlar o‘rtasida tuzilgan elektron Shartnomada ko‘rsatilgan to‘lov jadvaliga muvofiq o‘z vaqtida qismlarga bo‘lib to‘lash majburiyatini oladi.

4.2. Xaridor tomonidan muddatli to‘lovga sotib olingan xizmatning narxi bir tomonlama tartibda muhokamasiz belgilanadi va Xaridor Sotuvchining ushbu Shartnomada nazarda tutilgan shartlar asosida Xizmatlarni sotib olish ofertasini qabul qilgandan (aksept) keyin Tomonlar tomonidan kelishib olinadi. Har bir kurs uchun narx muddatli to‘lov shartlariga (davomiyligiga), boshlang‘ich to‘lov miqdoriga (agar mahsulot oldindan to‘lov amalga oshirilgandan keyin chiqarilgan bo‘lsa) va hokazolarga bog‘liq. To‘lov rejasining narxlari va shartlariga rozi bo‘lmagan taqdirda, Xaridor muddatli to‘lovga sotib olinayotgan Xizmatning oldi-sotdi shartlarini qabul qilishdan (aksept) oldin bitimni rad etishi mumkin.

4.3. Xizmatning narxi O‘zbekiston Respublikasining milliy valyutasi – so‘mda, barcha soliqlarni, shu jumladan QQSni hisobga olgan holda ko‘rsatiladi (agar sotuvchi QQS to‘lovchi bo‘lsa).

4.4. Xizmatning narxi bitimning butun muddati davomida amal qiladi.

5. Bitim tuzish shartlari

5.1. Ushbu Umumiy shartlar matni elektron tijorat shartlari bo‘yicha mohirdev.uz Platformasida Xizmatlarni muddatli to‘lovga oldi-sotdisi bo‘yicha Bitimning ajralmas qismi hisoblanadi.

5.2. Mijoz keyinchalik xarid qilish uchun Sotuvchining Saytida joylashtirilgan Xizmatlarni tanlaydi. Sotuvchi Mijozni mohirdev.uz Platformasida Xizmatlarni xarid qilish mumkinligi haqida xabardor qiladi. Agar Mijoz mohirdev.uz Platformasida Xizmatni muddatli to‘lovga sotib olmoqchi bo‘lsa, Mijoz Platformada ro‘yxatdan o‘tgan telefon raqamini Sotuvchiga ma’lum qilishi, shuningdek, muddatli to‘lovga sotib olishni rejalashtirayotgan Xizmatni ko‘rsatishi shart.

5.3. Sotuvchi o‘zining Shaxsiy kabineti orqali mohirdev.uz Platformasiga Mijozning telefon raqami va Mijoz sotib olishni rejalashtirayotgan o‘quv kursi haqidagi ma’lumotlarni kiritishi kerak.

5.4. Sotuvchi Mijoz (Xaridor) va Xizmat haqida olingan ma’lumotlar asosida Xizmatni muddatli to‘lovga sotish uchun avtomatik ravishda Xaridorga yuboriluvchi elektron ariza (Oferta) shakllantiradi. Ushbu elektron ariza savdoning barcha muhim shartlarini (Xizmat nomi, narxi, to‘lov jadvali va boshqalar), shuningdek, ushbu Umumiy shartlarga havolani o‘z ichiga oladi. O‘zbekiston Respublikasi Fuqarolik kodeksining 367-moddasiga muvofiq Xizmatlarni sotish to‘g‘risidagi ariza oferta deb hisoblanadi.

5.5. Sotuvchining so‘roviga ko‘ra, Xaridorga Shartnomani tuzishga roziligini tasdiqlash so‘rovi va jo‘natish orqali taqdim etilgan to‘lov jadvali bilan noyob kodli SMS-xabar – “Shaxsiy imzoning analogi” - yuboriladi. Agar Xaridor Sotuvchining elektron arizasi shartlariga rozi bo‘lsa, Xaridor Sotuvchiga noyob kodni taqdim etishi kerak va o‘z navbatida mohirdev.uz Platformasiga taqdim etilgan noyob kodni kiritadi va shu bilan shartnoma tuzilganligini tasdiqlaydi. O‘zbekiston Respublikasi Fuqarolik kodeksining 370-moddasiga muvofiq, Mijozning tuzilayotgan shartnomaning barcha shartlariga roziligini tasdiqlovchi noyob kodli SMS-xabar jo‘natish aksept hisoblanadi, shunga ko‘ra, mohirdev.uz Platformasida Xizmatlarni oldi-sotdisi bo‘yicha elektron shartnoma (Bitim) Sotuvchi va Xaridor (Mijoz) o‘rtasida tuzilgan hisoblanadi. Noyob kod olingan paytdan boshlab 2 daqiqa ichida mohirdev.uz Platformasiga kiritilishi kerak. Belgilangan vaqt ichida noyob kod yuborilmasa, oferta qabul qilinmagan (aksept olinmagan) hisoblanadi.

5.6. Xaridor tomonidan Sotuvchining ofertasini (Xizmatni sotish to‘g‘risidagi Arizani) qabul qilish asosida tuzilgan bitim qo‘shilish shartnomasi (O‘zbekiston Respublikasi Fuqarolik kodeksining 360-moddasi) hisoblanib, tomonlar ushbu Umumiy shartlar va mohirdev.uz platformasida amalga oshiriladigan harakatlarga muvofiq ketma-ket harakatlarni amalga oshirish orqali hech qanday istisnosiz va/yoki shartlarsiz qo‘shiladi.

5.7. Sotuvchining Saytida Bitim tuzishda yuqoridagi barcha operatsiyalar QYOIA orqali real vaqt rejimida to‘liq ma’lumot almashish imkonini beruvchi avtomatlashtirilgan boshqaruv va aloqa tizimi orqali amalga oshirilishi mumkin.

6. Tomonlarning huquq va majburiyatlari.

6.1. Platforma quyidagi majburiyatlarni oladi:

6.1.1. Xaridorlar to‘g‘risidagi ma’lumotlarni oshkor qilmaslik, O‘zbekiston Respublikasi qonun hujjatlarida bunday ma’lumotlarni vakolatli organga, Sotuvchining sug‘urtalovchisi bo‘lgan Sug‘urta kompaniyasiga va uchinchi shaxslarga muddatli to‘lov summasi o‘z vaqtida to‘lanmagan taqdirda Sotuvchining buzilgan huquqlarini tiklash maqsadida taqdim etish majburiyati nazarda tutilgan hollar, shuningdek, agar bunday ma’lumotlar hamma uchun ochiq bo‘lsa yoki xaridorning ruxsati asosida oshkor qilinadigan bo‘lsa, shuningdek, ushbu Umumiy shartlarga muvofiq Xaridor bunga aniq rozilik bergan daraja va hollar bundan mustasno.

6.1.2. Mijozni (Xaridorni) ushbu Umumiy shartlarga rioya qilgan va ro‘yxatga olish shartlarini bajargan holda ro‘yxatdan o‘tkazish.

6.1.3. O‘zbekiston Respublikasining amaldagi qonunchiligida belgilangan tartibda Xaridorning shaxsiy ma’lumotlariga ishlov berish va ularning maxfiyligini ta’minlash.

6.1.4. Ushbu Umumiy shartlarga o‘zgartirish kiritilgan hollarda ularni mohirdev.uz platformasi sahifalarida va veb-saytida joylashtirish orqali bir tomonlama tartibda e’lon qilish. Barcha o‘zgarishlar e’lon qilinganidan keyin darhol kuchga kiradi va e’lon qilingan paytdan boshlab Xaridor e’tiboriga havola qilingan hisoblanadi. Umumiy shartlarning yangi yoki o‘zgartirilgan versiyasi bilan tanishmaslik xavfi Mijoz (Xaridor) zimmasiga tushadi.

6.1.5. Taqdim etilayotgan xizmatlar sifatini oshirish maqsadida Platforma Xaridor va Sotuvchi o‘rtasidagi telefon suhbatlarini yozib olishi mumkin.

6.2. Sotuvchi quyidagi majburiyatlarni oladi:

6.2.1. Bitim tuzilgan paytdan boshlab oferta shartlariga, ushbu Umumiy shartlarga va O‘zbekiston Respublikasining amaldagi qonunchiligiga muvofiq Xaridor oldidagi barcha majburiyatlarni to‘liq ta’minlash.

6.2.2. Sotuvchi ushbu Umumiy shartlarning 10-bandida ko‘rsatilgan fors-major holatlari yuzaga kelgan taqdirda Bitim bo‘yicha majburiyatlarni bajarmaslik huquqini o‘zida saqlab qoladi.

6.2.3. Xaridor bilan munosabatlarda O‘zbekiston Respublikasining amaldagi qonunchiligi talablariga rioya qilish, Xaridor bilan muomala qilishda xushmuomala va muloyim bo‘lish.

6.2.4. Sotuvchi O‘zbekiston Respublikasining amaldagi qonunchiligiga muvofiq boshqa majburiyatlarni ham zimmasiga oladi.

6.2.5. Bitim tuzilgan paytdan boshlab Xaridor bilan kelishilgan Xizmatlarga bo‘lgan dostupni 3 (uch) kalendar kunidan ko‘p bo‘lmagan muddatda dostup berish.

6.3. Sotuvchi quyidagi huquqlarga ega:

6.3.1. Xizmatlar narxlari va tegishli xizmatlar tariflarini, Xizmatlarni to‘lash usullari va shartlarini mohirdev.uz Platformasi va uning sahifalarida joylashtirish orqali bir tomonlama tartibda o‘zgartirish. Barcha o‘zgarishlar e’lon qilinganidan keyin darhol kuchga kiradi va e’lon qilingan paytdan boshlab Xaridor e’tiboriga havola qilingan hisoblanadi. Shu bilan birga, ushbu Umumiy shartlarning narxi va boshqa qoidalarining o‘zgarishi har ikki Tomon tomonidan o‘zgartirish e’lon qilinishidan avval kelishilgan va imzolangan Xizmatlarga tatbiq etilmaydi.

6.3.2. Sotuvchi, agar unda taqdim etilgan hujjatlarning elektron (skanerlangan) nusxalarining haqiqiyligi va/yoki ishonchliligiga shubha tug‘ilsa, Xaridorni rad etishga haqli. Shu bilan birga, Xizmatni sotish to‘g‘risidagi ariza Sotuvchi tomonidan faqat Xaridor mohirdev.uz Platformasi doirasida hujjatlarning tegishli elektron (skanerlangan) nusxalarini qayta taqdim etganidan keyingina rasmiylashtirilishi mumkin.

6.3.3. Sotuvchi O‘zbekiston Respublikasining amaldagi qonunchiligiga muvofiq boshqa huquqlarga ham ega.

6.4. Xaridor quyidagi majburiyatlarni oladi:

6.4.1. Ushbu Umumiy shartlar, mohirdev.uz platformasida Xizmatlarni muddatli to‘lovga sotib olish shartlari, shuningdek mohirdev.uz sayti sahifalaridagi boshqa shartlar bilan tanishish va ularga rioya qilish.

6.4.2. Platforma Xaridor oldidagi o‘z majburiyatlarini bajara olishi uchun, ikkinchisi uni to‘g‘ridan to‘g‘ri Xaridor sifatida aniqlaydigan va ushbu Umumiy shartlarga muvofiq bitimni bajarish uchun yetarli bo‘lgan barcha kerakli va haqiqiy ma’lumotlarni taqdim etishi kerak.

6.4.3. Buyurtma qilingan va sotib olingan Xizmatlar uchun rasmiylashtirilgan bitimga, shuningdek, ushbu Umumiy shartlarda tavsiflangan shartlarga muvofiq to‘lash/to‘lab borish.

6.4.4. Nizolarga yo‘l qo‘ymaslik uchun Sotuvchining Arizasini (ofertani) qabul qilishda mohirdev.uz veb-sayti sahifalarida Platforma tomonidan taklif etilayotgan ma’lumotlar bilan tanishib chiqish.

6.4.5. Xizmatlarni tadbirkorlik faoliyatini va daromad olishni ko‘zlamasdan faqat shaxsiy foydalanish uchun sotib olish.

6.4.6. Shaxsiy hisob identifikatsiya ma’lumotlarini uchinchi shaxslarga bermaslik va ularning himoyasini ta’minlash.

6.4.7. Kompyuter, smartfon va boshqa elektron to‘lov vositalari va ma’lumotlar bazalarining ishlashi, ma’lumotlarning himoyalanganligi va xavfsizligini mustaqil va kerakli tarzda ta’minlash.

6.4.8. Sotuvchining Arizasini va to‘lov shartlarini qabul qilishdan oldin Arizaning to‘g‘riligini (narx, tanlangan Xizmat, Xizmatlar miqdori va boshqalar) diqqat bilan tekshirish.

6.4.9. mohirdev.uz Platformasidan uchinchi shaxslarning huquqlarini buzadigan noqonuniy maqsadlarda foydalanmaslik.

6.4.10. Sotib olingan Xizmatdan faqat qonuniy yo‘l bilan foydalanish va mohirdev.uz Platformasi va Xizmatlardan foydalanish paytida Xaridor yoki uchinchi shaxsga yetkazilgan har qanday zarar uchun javobgarlikni Sotuvchi yoki Platformaga o‘tkazmaslik.

6.4.11. Darslik majmuasini yoki uning bir qismini Sotuvchining yozma roziligini oldindan olmay turib, boshqa tashkilotlarga nashr etish, tarqatish, ommaga yetkazish yoki boshqacha shaklda foydalanish uchun tarqatmaslik;

6.4.12. mohirdev.uz sayti sahifalarida va/yoki shaxsiy kabinetda e’lon qilingan Xaridorlar uchun xabarlar va bildirishnomalarni kuzatib borish.

6.4.13. Sotuvchining xodimlari bilan munosabatlarda amaldagi qonunchilik talablariga rioya qilish, muloqotda xushmuomala va muloyim bo‘lish.

6.4.14. Sotuvchi bilan munosabatlarga kirishish orqali Xaridor mohirdev.uz Platformasiga quyidagilarga rozilik bildiradi va ruxsat beradi: a) Xaridor tomonidan taqdim etilgan qo‘shimcha telefon raqamlariga qarzni to‘lash va/yoki Xaridorning qarzi mavjudligi, shuningdek, Xaridorning qarzini undirish bo‘yicha ko‘rilayotgan chora-tadbirlar to‘g‘risida SMS xabar yuborish; b) Xaridorning to‘lov qobiliyati/daromadlari to‘g‘risida tavsiyalar/ma’lumotlarni olish uchun telefon raqamlari Xaridor tomonidan qo‘shimcha aloqa vositasi sifatida taqdim etilgan shaxslarga qo‘ng‘iroq qilish, ularning fikrini/Xizmat(lar)ni Xaridorga muddatli to‘lovga sotishga roziligini bilish va qarzdorlik, shuningdek, Xaridorning qarzini undirish bo‘yicha ko‘rilgan choralar haqida xabardor qilish.

6.4.15. O‘zbekiston Respublikasining “Kredit axboroti almashinuvi to‘g‘risida”gi Qonunining 19-moddasi va “Shaxsga doir ma’lumotlar to‘g‘risida”gi O‘zbekiston Respublikasi Qonunining 18-moddasiga muvofiq, Xaridor Platformaga Bitim tuzish va amalga oshirish choralarini ko‘rish uchun shaxsiy ma’lumotlariga ishlov berishga to‘liq rozilik beradi.

6.4.16. Platformada Xaridorning shaxsiy ro‘yxatga olish ma’lumotlaridagi o‘zgarishlar haqida darhol Platformani xabardor qilish, jumladan: a) xizmat ko‘rsatish banki (bank to‘lov kartasi) o‘zgarganida; b) asosiy mobil raqami o‘zgarganida; c) Xaridorning yashash joyi va/yoki ro‘yxatdan o‘tish manzili o‘zgarganida.

6.4.17. Xaridor saytdan olgan xizmat va uning natijalarini (mohirdev.uz saytidan sotib olgan onlayn kurslarni, dars mavzularini, onlayn kursda ochib berilgan shaxsiy hisobini), bonuslar va boshqa moddiy va nomoddiy mulkiy huquqlarni tijorat maqsadlarida ishlatmasligi, sotuvchining yozma roziligini oldindan olmay turib uchinchi shaxslarga foydalanish uchun tarqatmaslik va (yoki) ularga sotmaslik majburiyatini o‘z zimmasiga oladi. Ushbu majburiyatlarni bajarmagan shaxslar qonun hujjatlariga muvofiq javobgar bo‘ladi hamda O‘zbekiston Respublikasida belgilangan bazaviy hisoblash miqdorining 50 (ellik) baravari miqdorida jarima (neustoyka) to‘laydi.

6.5. Qarzdorlikni yopish

6.5.1. Olingan qarzni quyidagi tarzda to‘lash mumkin: a) ixtiyoriy ravishda b) to‘lov jadvaliga muvofiq qarzni o‘z vaqtida to‘lashdan bosh tortgan taqdirda, Sotuvchi butun qarz miqdorini, da’vo arizasi bilan bog‘liq davlat boji va pochta xarajatlarini undirish huquqini o‘zida saqlab qoladi.

7. Xizmatlar uchun to‘lov shartlari.

7.1. Xizmatlar bo‘yicha hisob-kitoblar (to‘lovlar) O‘zbekiston Respublikasi Fuqarolik kodeksiga, O‘zbekiston Respublikasining “Elektron to‘lovlar to‘g‘risida”, “Elektron hujjat aylanishi to‘g‘risida”gi qonunlariga, O‘zbekiston Respublikasining “Elektron tijorat to‘g‘risida”gi qonun va boshqa qonun hujjatlariga muvofiq ushbu Umumiy shartlarga va Platformada Sotuvchining Arizasi qabul qilingandan so‘ng qabul qilingan to‘lov shartlariga muvofiq amalga oshiriladi.

To‘lov usullari Platformada Sotuvchidan sotib olinayotgan Xizmatning to‘lovni amalga oshirish uchun Xaridor to‘lov tizimlari (masalan, UZCARD, PAYME, CLICK va boshqalar) orqali to‘lashi mumkin. Barcha xizmatlar sotuvchi tomonidan Platformada elektron tijorat orqali muddatli to‘lovga sotiladi. Xizmatlarni muddatli to‘lovga sotib olayotganda, to‘lov Xaridor tomonidan har oyda (onlayn to‘lovlar yoki takroriy to‘lovlar yordamida), teng qismlarda, Xizmatga shaxsiy kabinet orqali buyurtma berishda Xaridor tomonidan tanlagan to‘lov jadvaliga muvofiq amalga oshiriladi. Shuningdek, Sotuvchi Xaridorning (Mijozning) shaxsiy kabineti orqali yoki boshqa mavjud yo‘l bilan xabar yuborish orqali, Xaridorga ko‘rsatilgan muddatda (Ushbu sanadan 3-1 kun oldin) Xaridor tomonidan sotib olingan Xizmatning to‘lovi haqida, Xaridor tomonidan bog‘langan bank kartasidan Xizmat uchun to‘lovlar jadvaliga muvofiq miqdorda va muddatlarda pul mablag‘larini hisobdan chiqarish to‘g‘risida eslatish huquqiga ega (lekin bunday majburiyatni o‘z zimmasiga olmaydi).

7.2.1. Takroriy (avtomatik) to‘lovlar

7.2.1.1. Xaridorga Platformada UZCARD yoki HUMO to‘lov xizmatidan foydalangan holda sotuvchi foydasiga takroriy (avtomatik) to‘lovlarni amalga oshirish imkoniyati beriladi. Har bir shartnomani tuzishda Mijoz xarid summasi, Xizmatlar soni va oldi-sotdi shartnomasining barcha muhim bandlari to‘g‘risida ma’lumot oladi va mijoz tomonidan qabul qilinganligini tasdiqlash uchun SMS xavfsizlik kodini oladi. Ushbu SMS-xabarni tegishli ravishda qabul qilish uchun Platforma veb-saytiga kiritish uchun Sotuvchiga yuborishi kerak. Xizmatlar uchun takroriy to‘lovlar to‘lov jadvaliga muvofiq miqdorda va muddatlarda, sotib olingan Xizmat uchun to‘lov to‘liq qaytarilgunga qadar amalga oshiriladi. Xaridorning bank kartasida pul mablag‘lari bo‘lmagan taqdirda, to‘lov amalga oshirilmaydi. Qarzning to‘liq miqdori bo‘lmagan taqdirda, Xaridor bank kartasidan pul mablag‘larini qisman hisobdan chiqarishga rozi bo‘ladi.

7.2.1.2. Xaridor Sotuvchiga murojaat qilib, shu jumladan mohirdev.uz Axborot tizimi orqali “Takroriy to‘lov” xizmatidan voz kechishi mumkin.

7.3. Xaridor bank kartasini QYOIA orqali mohirdev.uz axborot tizimiga ulashda Xaridor shu bilan o‘zining bog‘langan UZCARD/HUMO bank kartasidan va har qanday hisoblaridan va O‘zbekiston Respublikasining istalgan boshqa banklarida ochilgan to‘lov kartalaridan xarid qilingan Xizmat uchun to‘lov to‘liq qaytarilgunga qadar Xizmatlar uchun to‘lovlar jadvaliga muvofiq miqdorda va muddatlarda pul mablag‘larini to‘g‘ridan to‘g‘ri yechib olishga (takroriy to‘lovlarga) so‘zsiz roziligini bildiradi. Platforma Xaridorning (Mijozning) shaxsiy kabineti orqali yoki boshqa mavjud yo‘l bilan xabar yuborish orqali, Xaridorga ko‘rsatilgan muddatda (Ushbu sanadan 3-1 kun oldin) Xaridor tomonidan sotib olingan Xizmatning to‘lovi haqida, Xaridor tomonidan bog‘langan UZKARD bank kartasidan Xizmat uchun to‘lovlar jadvaliga muvofiq miqdorda va muddatlarda pul mablag‘larini hisobdan chiqarish to‘g‘risida eslatish huquqiga ega (lekin bunday majburiyatni o‘z zimmasiga olmaydi).

8. Xizmatlarni chiqarish shartlari.

8.1. Xaridor Xizmatni boshlang‘ich to‘lovni amalga oshirgandan so‘ng (agar Arizada avans to‘lovi nazarda tutilgan bo‘lsa) yoki ushbu Umumiy shartlarda belgilangan tartibda to‘lov shartlarini kelishib ularga rozi bo‘lganidan so‘ng olishi mumkin.

8.3. Ofertaning 8.2-bandida ko`rsatilgan 5 kunlik muddat o`tganidan so`ng agarda Xaridor kursning 30% (o‘ttiz foiz)idan ko‘p bo‘lmagan qismini o‘qib tugatmagan bo‘lsa xaridorning istagiga ko‘ra mohirdev.uz veb-saytida mavjud o`sha kurs qiymatidagi yoki kurs qiymatidan past bo`lgan boshqa kursga almashtirib beriladi. Kursning 30% (o‘ttiz foiz)idan ko‘p qismi Xaridor tomonidan o‘zlashtirilgan taqdirda Sotuvchi tomonidan Xizmatlar to‘liq ko‘rsatilgan hisoblanadai va qarzdorlik to‘liq miqdorda Xaridordan undiriladi.

9. Xizmatlarni qaytarish va almashtirish shartlari

9.1. Xizmatlarni qaytarish va almashtirish muddatlari tomonlar o‘rtasida ushbu hujjat shartlariga muvofiq kelishilgan o‘ziga xosliklarni hisobga olgan holda belgilanadi.

9.2. Noto‘g‘ri sifatli xizmatlarni qaytarish tartibi

8.2-bandda ko‘rsatilgan tartibda amalga oshiriladi.

9.4. Xizmatdan voz kechilgan taqdirda pulni qaytarish Xaridordan tegishli ariza kelib tushgan va sotuvchi tomonidan ko‘rib chiqilgan kundan boshlab 10 (o‘n) ish kuni ichida amalga oshiriladi. Mablag‘lar Xizmat uchun to‘lov (to‘lovning bir qismi) allaqachon amalga oshirilgan bo‘lsa Xaridorning arizada ko‘rsatilgan plastik bank kartasiga qaytariladi

10. Favqulodda vaziyat (Fors-major)

10.1. Tomonlarning har biri Bitim va ushbu Umumiy shartlar bo‘yicha o‘z majburiyatlarini to‘liq yoki qisman bajarmaganlik uchun javobgarlikdan ozod qilinadi, agar bunday bajarmaslik Bitim tuzilganidan va ushbu Umumiy shartlar qabul qilinganidan keyin yuzaga kelgan yengib bo‘lmas kuch vaziyatlari tufayli yuzaga kelgan bo‘lsa. “Yengib bo‘lmas kuch vaziyatlari” – bu Tomon oldindan ko‘ra olmaydigan yoki o‘z ixtiyorida mavjud bo‘lgan vositalar yordamida oldini ololmaydigan favqulodda hodisalar yoki holatlarni anglatadi. Bunday favqulodda hodisalar yoki holatlarga, xususan: ish tashlashlar, suv toshqinlari, yong‘inlar, zilzilalar va boshqa tabiiy ofatlar, urushlar, jangovar harakatlar, O‘zbekiston Respublikasi yoki boshqa davlatlarning davlat organlarining harakatlari, shuningdek Tomonlarning oqilona nazoratidan tashqari har qanday boshqa holatlar kiradi. Tomonlarning birortasiga bevosita yoki bilvosita ta’sir ko‘rsatadigan amaldagi qonunchilik yoki qoidalardagi o‘zgartirishlar yengib bo‘lmas kuch holatlari deb hisoblanmaydi, biroq tomonlarning Bitim bo‘yicha va ushbu Umumiy shartlarga muvofiq o‘z majburiyatlarini bajarishiga to‘sqinlik qiladigan bunday o‘zgarishlar sodir bo‘lgan taqdirda, Tomonlar Bitimning bajarilishini davom ettirishni ta’minlash uchun ushbu muammoni bartaraf etish bo‘yicha ishlarni bajarish tartibi to‘g‘risida darhol qaror qabul qilishlari shart.

11. Tomonlarning mas’uliyati

11.1. Bitim shartlari va ushbu Umumiy shartlarni bajarmaganlik yoki lozim darajada bajarmaganlik uchun Tomonlar ushbu Umumiy shartlarga va O‘zbekiston Respublikasining amaldagi qonunchiligiga muvofiq javobgar bo‘ladilar.

11.2. Bitim bo‘yicha o‘z majburiyatlarini bajarmagan yoki lozim darajada bajarmagan Tomon ushbu Umumiy shartlar va O‘zbekiston Respublikasining amaldagi qonunchiligiga muvofiq boshqa Tomonga bunday bajarmaslik oqibatida yetkazilgan zararni qoplashi shart.

11.3. mohirdev.uz saytida joylashtirilgan barcha matnli ma’lumotlar va grafik tasvirlar qonuniy egasiga ega bo‘lib, ushbu ma’lumotlar va tasvirlardan noqonuniy foydalanish O‘zbekiston Respublikasining amaldagi qonunchiligiga muvofiq javobgarlikka tortiladi.

11.4. mohirdev.uz platformasidan foydalanish yoki unda sotib olingan Xizmatlardan foydalanish natijasida Xaridorning bilvosita/to‘g‘ridan to‘g‘ri bo‘lmagan yo‘qotishlari yoki yo‘qolgan foydalari uchun Sotuvchi/Platforma javobgar bo‘lmaydi.

11.5. mohirdev.uz Platformasi va mohirdev.uz veb-saytining ishlashini ta’minlaydigan dasturiy-apparat kompleksining ishlashidagi nosozliklar, xatolar va uzilishlar uchun, shuningdek, Xaridorning Platformaga bog‘liq bo‘lmagan sabablarga ko‘ra yuzaga kelgan dasturiy va/yoki apparat vositalaridan vaqtincha foydalana olmasligi, shuningdek, Xaridorning shunga tegishli yo‘qotishlari uchun Platforma/Sotuvchi javobgar bo‘lmaydi.

11.6. Platforma Xaridorning quyidagi sabablarga ko‘ra yo‘qotishlari uchun javobgar emas:

11.6.1. Xaridor tomonidan mohirdev.uz Platformasiga kirish uchun foydalaniladigan uskuna va dasturiy ta’minotda “viruslar” va boshqa zararli dasturlarning mavjudligi;

11.6.2. mohirdev.uz Platformasida foydalaniladigan rekvizitlarni noto‘g‘ri to‘ldirish;

11.6.3. Xaridor tomonidan Bitim va ushbu Umumiy shartlarning buzilishi;

11.6.4. Xaridor tomonidan to‘lovlarni amalga oshirishning belgilangan tartibini buzishi.

11.7. Platforma quyidagi hollarda Xaridorning Shaxsiy kabinetiga kirishni bloklash huquqiga ega: a) Platformaga boshqa Xaridorlardan va/yoki uchinchi shaxslardan Xaridor tomonidan ularning huquqlari va qonuniy manfaatlari buzilganligi to‘g‘risidagi da’volar kelib tushganida; b) mohirdev.uz Platformasi dasturiy ta’minotining istalgan qismiga ruxsatsiz o‘zgartirishlar kiritish (kiritishga urinishlar) aniqlanganda;c) Xaridor tomonidan Bitim va ushbu Umumiy shartlar buzilganida.

11.8. Xizmatni muddatli to‘lovga sotib olgan va ushbu Xizmat uchun to‘lovni Xizmatni sotib olayotganda Xaridor tomonidan Arizada kelishilgan to‘lov jadvaliga muvofiq to‘lanmagan yoki to‘lov kechiktirilgan taqdirda, sotuvchi o‘z xohishiga ko‘ra, lekin quyidagilar bilan cheklanmagan holda:

11.8.1. Sotuvchi qarzlarni undirish va Xizmatni qaytarib olish huquqini uchinchi shaxslarga o‘tkazish va/yoki sudga da’vo arizasi bilan murojaat qilish huquqiga ega. Qarzni undirish va Xizmatni qaytarish bilan bog‘liq xarajatlar va yo‘qotishlar Xaridor tomonidan to‘liq hajmda qoplanadi;

11.8.2. Xizmatlarni qabul qilgan Xaridor belgilangan muddatda to‘lovlarni amalga oshirmagan holda, Arizada rasmiylashtirilgan to‘lovlar jadvaliga muvofiq, Sotuvchi Xizmatlarning barcha summasini muddatidan oldin to‘lashni talab qilishga haqli. Bunda to‘lov jadvaliga muvofiq to‘lovlar, to‘lov qabul qilingan muddatni hisobga olgan holda chegirilib Xaridorga qaytariladi.

11.8.3. Sotuvchi ijro varaqasini olish uchun vakolatli organga murojaat qilish orqali qarzning mavjud summasini va Xizmat uchun qolgan to‘liq summani muddatidan oldin undirib olishga haqli, shu jumladan yetkazilgan zarar va xarajatlarning butun miqdorini ham.

11.9. Sotuvchi 11.8-bandda keltirilgan vaziyatni hal qilish usullaridan birini yoki bir vaqtning o‘zida bir nechtasini qo‘llashi mumkin. Shu bilan birga, qarzni undirish va Xizmatni qaytarish bilan bog‘liq barcha xarajatlar va yo‘qotishlar Xaridor tomonidan to‘liq hajmda qoplanadi.

11.10. Xaridor tomonidan oylik to‘lov 60 (oltmish) uzluksiz kalendar kun muddatga kechiktirilgan taqdirda, Sotuvchi keyingi kuni taqdim etilgan hujjatlar (to‘lov jadvali va boshqalar)ga muvofiq qolgan to‘lanmagan qarz miqdorini to‘liq yechib olishga (hisobdan yechishga, undirishga) haqli. Undirilgan (Hisobdan yechib olinadigan) kunda Xaridorda mavjud bank to‘lov kartalarida mablag‘ bo‘lmasa, Sotuvchi 2 (ikki) ish kuni ichida hujjatlarni belgilangan tartibda undirish bo‘limiga o‘tkazadi. Shu bilan birga, sotuvchi o‘rnatilgan Nizomga muvofiq, ijro etish davrida amalga oshirilgan xarajatlar miqdorini akseptsiz undirish huquqini o‘zida saqlab qoladi.

12. Da’volar va nizolarni hal qilish tartibi.

12.1. Bitim va ushbu Umumiy shartlar bo‘yicha o‘z majburiyatlarini bajarmaslik yoki lozim darajada bajarmaslik bilan bog‘liq barcha nizolarni Tomonlar muzokaralar va da’volarni yuborish paytida hal qilishga harakat qiladilar. Da’voni ko‘rib chiqish muddati da’voni oluvchiga da’vo yuborilgan kundan boshlab 15 (o‘n besh) kalendar kunni tashkil etadi.

12.2. Shartnoma bajarilishi bilan bog‘liq kelishmovchiliklar, ko‘rsatilgan xizmatlar, majburiyatlar bo‘yicha nizolar xizmat ko‘rsatuvchi ya’ni sotuvchi joylashgan joydagi sud organlarida, taalluqligi bo‘yicha iqtisodiy yoki fuqarolik sudlarida ko‘rib chiqiladi.

13. Boshqa shartlar

13.1. mohirdev.uz veb-saytining ushbu Umumiy shartlarda ko‘rsatilgan qoidalar va shartlarni tushuntiruvchi bo‘limlari va mohirdev.uz veb-saytining boshqa bo‘limlari ushbu Umumiy shartlarning ajralmas qismi hisoblanadi.

13.2. Platforma va keyinchalik sotuvchi bilan munosabatlarga kirishish orqali xaridor O‘zbekiston Respublikasining “Shaxsga doir ma’lumotlar to‘g‘risida”gi Qonuniga muvofiq Platforma va sotuvchiga quyidagilarga rozilik bildiradi va ruxsat beradi:

13.2.1. O‘z baholash tizimi (skoring) doirasida foydalanish va Xaridorning kredit qobiliyati va to‘lov qobiliyati reytingini aniqlash uchun shaxsiy ma’lumotlariga, jumladan familiyasi, ismi, otasining ismi, tug‘ilgan sanasi, jinsi, ish joyi va lavozimi, moliyaviy ma’lumotlar, shu jumladan daromadlar, xarajatlar, mavjud kredit qarzi, pochta manzili; uy, ish, mobil telefonlar, elektron pochta manziliga ishlov berish, shu jumladan yig‘ish, tizimlashtirish, to‘plash, saqlash, aniqlashtirish (yangilash, o‘zgartirish). Bu ma’lumotlarni davlat organlariga ularning qonuniy so‘rovlari asosida taqdim etish. Xizmatlar sifatini yaxshilash, marketing dasturlarini, statistik tadqiqotlarni o‘tkazish, shuningdek, xaridor bilan turli xil aloqa vositalaridan, shu jumladan, lekin ular bilan cheklanmagan holda: pochta xabarnomasi, elektron pochta, telefon, faks, Internet tarmog‘idan foydalangan holda to‘g‘ridan to‘g‘ri aloqa o‘rnatish orqali xizmatlarni bozorda ilgari surish maqsadida faqat shaxssizlashtirilgan ma’lumotlarni va faqat O‘zbekiston Respublikasi hududida keyingi ishlov berish (jumladan, yig‘ish, tizimlashtirish, to‘plash, saqlash, aniqlashtirish (yangilash, o‘zgartirish), foydalanish) maqsadida Sotuvchining kontragentlariga o‘tkazish;

13.2.2. Platformaga ma’lumotlar bazasini boshqarishning avtomatlashtirilgan tizimlari, shuningdek, Platforma nomidan maxsus ishlab chiqilgan boshqa dasturiy vositalar yordamida Xaridorning shaxsiy ma’lumotlariga ishlov berishga roziligini bildiradi va ruxsat beradi. Bunday tizimlar bilan ishlash operator tomonidan belgilangan algoritmga muvofiq amalga oshiriladi (yig‘ish, tizimlashtirish, to‘plash, saqlash, aniqlashtirish, foydalanish, blokirovka qilish, yo‘q qilish). Amaldagi ishlov berish usullari (shu jumladan, lekin ular bilan cheklanmagan): pochta kodlarini kod bazasi bilan avtomatik solishtirish, ko‘cha/aholi punktlari nomlarining imlosini avtomatik tekshirish, telefon, pochta yoki Internet orqali Xaridor bilan ma’lumotlarni aniqlashtirish, bazani belgilangan mezonlarga muvofiq segmentatsiyalash. Xaridor, agar ushbu Umumiy qoidalarda ko‘rsatilgan maqsadlarga erishish uchun zarur bo‘lsa, Platforma tomonidan olingan uning shaxsiy ma’lumotlari uchinchi shaxslar tomonidan shaxsiy ma’lumotlarning maxfiyligini va ularga ishlov berish jarayonida shaxsiy ma’lumotlar xavfsizligini ta’minlash to‘g‘risidagi O‘zbekiston Respublikasi qonunchiligi talablariga rioya qilgan holda bunday shaxslar bilan tuzilgan shartnoma asosida Platforma Xaridorning shaxsiy ma’lumotlariga ishlov berishni ishonib topshirishi mumkin bo‘lgan uchinchi shaxslarga berilishi mumkinligiga rozi bo‘ladi. Xaridorning ko‘rsatilgan ma’lumotlarini o‘tkazishda Sotuvchi Xaridorning shaxsiy ma’lumotlarini qabul qiluvchi shaxslarni ushbu ma’lumotlar maxfiy ekanligi va ular faqat xabar qilingan maqsadlarda ishlatilishi mumkinligi haqida ogohlantiradi va ushbu shaxslardan ushbu qoidaga rioya qilishni talab qiladi. “Kredit ma’lumotlari almashinuvi to‘g‘risida”gi O‘zbekiston Respublikasi Qonunining 19-moddasi va “Shaxsga doir ma’lumotlar to‘g‘risida”gi O‘zbekiston Respublikasi Qonunining 18-moddasiga muvofiq, Xaridor Platformaga kredit hisobotini olish, kredit tarixini shakllantirish va o‘zi to‘g‘risidagi kredit ma’lumotlari bilan almashish, shuningdek Bitimni tuzish va bajarish choralarini ko‘rish uchun shaxsiy ma’lumotlarga ishlov berishga to‘liq roziligini beradi.

13.3. Platformaga pochta manzili yoki Internet orqali kontaktdan foydalanish bilan tegishli yozma so‘rov yuborish orqali, shuningdek, Xaridorning shaxsiy kabinetidan so‘rov yuborish orqali, Xaridor Platformadan o‘zining shaxsiy ma’lumotlari, ularga ishlov berish va foydalanish to‘g‘risida to‘liq ma’lumot so‘rashga, shuningdek, noto‘g‘ri yoki to‘liq bo‘lmagan shaxsiy ma’lumotlarni chiqarib tashlash yoki tuzatish/qo‘shishni talab qilishga haqli.

13.4. Xaridorning shaxsiy ma’lumotlariga ishlov berishga roziligi muddatsizdir va Xaridor tomonidan Platformaga pochta manzili bo‘yicha yozma ariza yuborish yoki Internet orqali murojaat qilish, shuningdek, mohirdev.uz veb-saytida Xaridorning shaxsiy kabinetidan so‘rov yuborish orqali bekor qilinishi mumkin.

13.5. Ushbu umumiy shartlar matni Xaridor uchun tushunarli tilda yozilgan.

“MOHIRDEV” MCHJ Direktori A.Narzullayev